Менделеевскида Яңа елны бәйрәм итүгә әзерлек бара
16 ноябрьдә Радмир Беляев рәислегендәге киңәшмәдә җитәкчеләр белән Яңа елга әзерлек мәсьәләсе буенча мөһим мәсьәләләр турында фикер алыштылар.
Киңәшмә башында Менделеевск территорияләрен бизәү буенча фикер алыштылар. Шәһәрнең төп Фомин, Октябрь, Бурмистров, Юбилей, Профсоюз урамнарына, "Дуслык" һәм "Ушков утарулары" паркларына аерым игътибар бирелә. Шулай ук күп фатирлы торак йортларның фасадлары, төрле учреждениеләр һәм предприятиеләр биналары бизәләчәк.
Район җитәкчесе Радмир Беляев билгеләп үткәнчә, быел "Дуслык" паркындагы боз шәһәрчеге уникаль булачак, Юбилей урамы, 4 нче йорт адресы буенча урнашкан аллеяда балалар һәм өлкәннәр өчен универсаль тау булачак, "Ушков утраулары" нда тимераяклар прокаты һәм кайнар эчемлекләр белән боз шугалагы оештырылачак. Болар барысы да территорияләрнең матур бизәге белән үрелеп барачак. Шәһәрне бизәү буенча барлык чараларны 15-нче декабрьгә тәмамлау планлаштырыла.
Киңәшмәдә шулай ук төрле Яңа ел чараларын үткәрү турында да фикер алыштылар. Шулай итеп, 17 декабрьдә 17: 00 сәгатьтә .С. Гассар исемендәге Мәдәният сарае мәйданында төп чыршыны ачу тантанасы була , Анда безнең шәһәр халкы һәм кунаклары өчен махсус чакырылган кунаклар-Филүс Каһиров һәм Александр Петренко чыгыш ясаячак. Ә 31 декабрьдә Яңа 2022 елны каршылау булачак.
Шулай ук Яңа ел чыршылары, милли чыршылар һ. б. үткәреләчәк.