Менделеевск районы җитәкчесе ветераннар советы әгъзалары һәм пенсионерлар берлеге активистлары белән очрашу үткәрде
Кичә Менделеевск районы җитәкчесе ветераннар советы әгъзалары һәм пенсионерлар берлеге активистлары белән очрашу үткәрде
Очрашуда Менделеевск районының үсеш планнары һәм аның мөмкинлекләре, АСИҮТ үсеше, безнең территориядә "Алабуга" МИЗын киңәйтү турында фикер алыштылар.
Шулай ук Радмир Беляев төп бурычлар белән дә уртаклашты. Болар - районда яшьләрне саклау, колледж эшен торгызу, балалар лагере эшен яңарту, шәһәр территориясен төзекләндерү, дизайн-кодны тормышка ашыру, шәһәрнең архитектур үзгәрешләре, велоюлларны реконструкцияләү, йортларның фасадларын ремонтлау, граффитины бетерү, парк һәм скверларны төзекләндерү.
Үз чиратында, ветераннар Советы һәм пенсионерлар берлеге рәисе Лариса Кривилева советның эшчәнлеге һәм өченче буын университеты эше турында сөйләде.
Җыелучылар төрле темаларга сөйләштеләр: ветераннар һәм активистлар үзләрен борчыган мәсьәләләр турында сөйләделәр, яшь буынга әхлакый тәрбия бирү, районда сәламәтлек саклау системасын үстерү, шәһәрне төзекләндерү һәм башка мәсьәләләр турында фикер алыштылар.