Әлфия Когогина: Дәүләт Думасы тарафыннан кабул ителгән закон проекты гражданнарның хокукларын һәм аларга билгеләнгән социаль түләүләрне яклауга юнәлдерелгән
Дәүләт Думасы тарафыннан бурычларны түләү хисабына бер тапкыр бирелә торган социаль түләүләрне автомат рәвештә күчерүне тыю турындагы Закон соңгы укылышта кабул ителде.
«Бердәм Россия» вәкилләре 22 августта Президент белән очрашуда бурычлы кешеләр өчен социаль түләүләрне гамәлдән чыгаруны тыю инициативасы белән чыкты. Партия съезды нәтиҗәләре буенча Владимир Путин тиешле закон актларына үзгәрешләр кертергә кушты.
Дәүләт Думасы депутаты, Кече һәм урта эшмәкәрлек комитеты рәисенең беренче урынбасары Әлфия Когогина болай дип шәрехләде: «без кабул иткән закон проекты гражданнарның хокукларын һәм аларга билгеләнгән социаль түләүләрне банк файдасына яки башкарма производство кысаларында банклар файдасына күчерүдән саклауга юнәлдерелгән. Элегрәк без пенсияләрдән, алиментлардан бурычларны түләтүне закон нигезендә тыйдык, гражданнарның минималь гарантияләнгән керемен исәптән төшерүдән сакладык, һәм хәзер бу гарантияләрне бер тапкыр бирелә торган социаль түләүләргә, шул исәптән аз керемле йөкле хатыннарга яңа пособиеләр һәм социаль контракт чараларына таратачакбыз. Закон агымдагы ел башыннан кергән акчаларга карата кире көчкә ия булачак".
Документ кредитларны түләү хисабына социаль түләүләрне куллану мөмкинлеген күздә тота, тик бу очрак буенча бурычка алучының ризалыгы булганда гына. Әгәр исәптән төшерү барлыкка килгән икән, граждан хәбәрнамәне кире алырга һәм 14 көн эчендә банк өч көн эчендә акчаны кире кайтарырга тиеш булган гариза җибәрергә хокуклы.