Турай мәктәбендә тиз арада идәнне ремонтладылар

2022 елның 19 гыйнвары, чәршәмбе

Балаларның иминлеге белән бәйле мәсьәләне тиз арада хәл итү Турай мәктәбе директоры район җитәкчесенә мөрәҗәгать итте.

Мәктәпнең беренче катында идән плитәләре иңгән. Кыска гына вакыт эчендә  ремонт эшләрен башкарырга кирәк иде.
Радмир Беляев йөкләмәсе буенча, подрядчылар тиз арада идән плитәләрен демонтажлауга, бинаның фундаментын ныгытуга, идәнгә бетон салып плитка җәюгә керештеләр. Бүгенге көндә эшләр тулысынча төгәлләнгән. Балаларның куркынычсызлыгына берни дә янамый.