Россия Пенсия фондының республика бүлеге коллегиясе
2022 елның 31 гыйнварында Татарстан Республикасы буенча Пенсия фонды бүлегендә ел нәтиҗәләре буенча коллегия узды.
Индексация-2022
Россия Президенты Владимир Путин йөкләмәсе буенча, 2022 нче елда пенсияләрне арттыру параметрлары яңадан каралды. Индексация инфляциядән югарырак тормышка ашырылачак, 8,6% тәшкил итәчәк. Картлык буенча иминият пенсиясенең уртача күләме индексациядән соң якынча 17,8 мең сум тәшкил итәчәк.
1 февральдән ЕДВ (айлык акчалата түләүләр) индексацияләнәчәк, ә апрельдән - социаль пенсияләр. Августта 2021 елда эшләгән пенсионерларның пенсияләре күләменә төзәтмәләр кертеләчәк.
Новелла-2022
2020 елдан Пенсия фонды кайбер хезмәтләр алуның гадиләштерелгән тәртибен кертте, пенсияләрне һәм пособиеләрне дистанцион рәвештә рәсмиләштерде, билгеләнгән түләүләрне автомат рәвештә озайтты. Бу башлангычлар 2022 елдан үз көченә кергән пенсия законнарында чагылыш тапкан.
Пенсия түләүнең яңа кагыйдәләре нигезендә, банкрот дип танылган пенсионерлар кредиторлар тарафыннан түләтүләрдән азат ителәчәк.
Пенсия алу өчен гариза язмыйча рәсмиләштерү исемлеге киңәйтелде. Пенсия фондына мөрәҗәгать итмичә, дә инвалидлык буенча пенсияләр һәм федераль социаль өстәмә билгеләнәчәк. Эшсез гражданнарга эшкә урнашу мөмкинлеге булмаганда, вакытыннан алда пенсияләр мәшгульлек хезмәте тәкъдиме буенча да актив режимда билгеләнергә мөмкин.
Туендыручысын югалту буенча иминият пенсиясен алучы 80 яшьлек гражданнарга пенсия белән тәэмин итүнең иң отышлы варианты – туендыручысын югалткан очракта яки картлык буенча иминият пенсиясе автомат рәвештә сайланачак.
Моннан тыш, «авыл өстәмәсе " билгеләнгән пенсионерларның авыл җирлегеннән читкә чыккан очракта да, аны түләү дәвам итәчәк
Социаль ярдәмнең яңа чаралары
Социаль казначылык принциплары этаплап тормышка ашырыла. Россия Президенты гамәлдәге социаль түләүләр системасын үзгәртергә тиешле законга кул куйды. Аның нигезендә, 2022 нче елның 1 нче гыйнварыннан пенсия фондына кайбер түләүләрне билгеләү буенча яңа вәкаләтләр йөкләнгән. Бу элек төбәк социаль яклау һәм эш белән тәэмин итү органнары тарафыннан гамәлгә ашырылган 35 социаль ярдәм чарасы, шул исәптән балаларга пособиеләр, радиация һәлакәтләреннән зыян күрүчеләргә, репрессия корбаннарына түләүләр. Сүз шулай ук хәрби хезмәткәрләрнең балалары булган хатыннарына пособиеләр, инвалидларга ОСАГО буенча компенсацияләр түләү турында бара. Әлеге ярдәм чаралары 21 меңнән артык кешегә күрсәтеләчәк. Якынча исәпләүләр буенча 2022 ел дәвамында гражданнарга түләүләрнең гомуми күләме 141,5 миллион сум тәшкил итәчәк
Түләүләр «бер тәрәзә» принцибы буенча башкарылачак һәм илнең бөтен территориясендә бердәм кагыйдәләр һәм бердәм механизм буенча билгеләнәчәк. Бу хезмәтнең сыйфатын күтәрергә, ә гражданнарга пособиеләрне документлар җыймыйча да алырга мөмкинлек бирәчәк.