Радмир Беляев эш визиты белән Менделеевскиның 86 нчы янгын-коткару бүлегендә булды
Бүген район җитәкчесе Радмир Беляев эш визиты белән Менделеевскиның 86 нчы янгын-коткару бүлегендә булды.
Визит барышында Радмир Илдар улы часть начальнигы Александр Беляков һәм башка хезмәткәрләр белән аралашты, янгын часте бүлмәләрен, янгын техникасын, спорт залын карады. Төрле мәсьәләләр: хезмәткәрләрнең эш шартлары, хезмәт хакы, техниканы саклау шартлары, гадәттән тыш хәлләр вакытында штаб эше, башка хезмәтләр белән үзара хезмәттәшлек, гадәттән тыш хәлләр комиссиясенең айлык утырышларын үткәрү мөһимлеген билгеләп үтте.
Аннары делегация бердәм дежур-диспетчерлык хезмәте блогын карады, бердәм дәүләт хезмәте белгечләре белән аралашты. Биредә экранга чыгарыла торган видеокүзәтү язмаларын игътибар белән күзәтәләр. Бүген Менделеевскида "Имин ишегалды" программасы буенча җәмәгать куркынычсызлыгын тәэмин итү өчен 124 камера, "Имин шәһәр" программасы буенча 42 камера урнаштырылган. Шулай ук бу язмалар полициягә тапшырыла.