Роспотребнадзор «Кулланучылар хокукларын яклау турында" Россия Федерациясе законы кабул итүгә 30 ел!
Бүген «Кулланучылар хокукларын яклау турында» 1992 елның 7 февралендә кабул ителгән 2300-1 номерлы Россия Федерациясе законына (алга таба – Закон) 30 ел тула.
Гражданнарның икътисадый хокукларының төп гарантияләрен билгеләгән Закон базар мөнәсәбәтләре барлыкка килгән катлаулы вакытта кабул ителде. Закон кабул ителгәнче бер ай кала киң колачлы икътисади реформа башланды, бәяләрне либеральләштерү, сәүдә иреге игълан ителде, бу исә күп кенә кешеләр тормышында яңа этап - эчке базарны азык-төлек һәм сәнәгать товарлары белән тулыландыруга китерде.
"Кулланучылар хокукларын яклау турында" закон беренче тапкыр кулланучыларның төп хокукларын ныгытты һәм кулланучылар мәнфәгатьләрен эшмәкәрләрнең мәнфәгатьләренә тигезләштерергә мөмкинлек бирде. 30 елдан артык инде бу закон көн саен практикада үзенең нәтиҗәлелеген һәм тормышка сәләтлелеген раслый. Бөтенроссия җәмәгатьчелек фикерен өйрәнү үзәге мәгълүматларына караганда, россиялеләрнең күпчелеге (69%) аларның куллану хокукларының закон белән яклануын белә.
Шул ук вакытта ул җәмәгать мөнәсәбәтләрендә булган үзгәрешләргә максималь рәвештә туры килергә тиешле яңа нигезләмәләр белән тулыланып кына калмыйча, хезмәт күрсәтүнең аерым өлкәләрендә кулланучылар катнашында хокук мөнәсәбәтләрен җайга салучы махсус законнар да кертеп, яңа норматив хокукый актлар белән даими рәвештә «үсә».
«Кулланучылар хокукларын яклау турында» Закон иң «халыкчан» булып кала бирә, чөнки бу баштан ук сәүдә һәм хезмәт күрсәтү өлкәсендә гражданнарның милек мәнфәгатьләрен яклау өчен язылган бердәнбер норматив хокукый акт.
Нәтиҗә буларак, хәзерге вакытта Россия хокукый системасында кулланучылар хокукларын яклау законнары мөһим роль уйный. Аның сәясәте Россия Федерациясе Конституциясенең 7 статьясындагы 1 өлеше нигезендә «кешегә лаеклы тормыш һәм ирекле үсеш тәэмин итә торган шартлар булдыруга юнәлдерелгән»