Роспотребнадзор: Косметиканы сайлау турында киңәшләр

Роспотребнадзор косметиканы ничек дөрес сайларга, дип искәртә. Косметика һәм парфюмерияне сайлаганда, беренче чиратта, парфюмерия-косметика товарының яраклылык вакытына игътибар итәргә кирәк. Сатучы, яраклылык вакыты чыкканчы билгеләнеше буенча кулланылсын өчен, аны сатып алучыга тапшырырга тиеш. Шуннан соң әлеге төркем товарлар өчен мәҗбүри мәгълүматларны өйрәнергә кирәк: косметика исеме, аның компонент составы, косметика гамәлдә булу характеры, куллану, куллану өчен ярамаган күрсәткечләр, саклау ысуллары һәм шартлары, күләме яки массасы, дәүләт теркәве турында белешмәләрне ачыкларга.

Социаль челтәрләрдә товарлар сатып алганда кулланучыларга аеруча сак булырга кирәк. Сатып алу өчен Instagram киңлекләренә юл алганчы, безнең белешмә белән танышырга киңәш итәбез.

Шуны истә тотыгыз:  товарны дөрес сайларга ярдәм итү өчен, парфюмерия-косметика продукциясе турында кирәкле барлык мәгълүмат ачык һәм аңлаешлы формада,  кулланучыга сатучы тарафыннан вакытында тапшырылырга тиеш.

Сатып алучы, сатып алыр алдыннан парфюмерия, духи, одеколон исләрен иснәп карарга хокуклы. Моның өчен сатучы товар җитештерүчеләр тарафыннан тәкъдим ителә торган пробник- үрнәкләрен куллана.

Целлофан пакет яки фирма тасмасы белән төргәкләгән парфюмерия-косметика товарларын сатып алучыга целлофан яки фирма тасмасын салдырып, төргәкнең эчтәлеген тикшерергә тәкъдим ителергә тиеш.

Упаковкада, эшләнмәнең этикеткасында, открыткада урнаштырылган товар турында мәгълүмат түбәндәгеләрне үз эченә алырга тиеш::

- парфюмерия продукциясе атамасы, исеме (булганда) һәм аның билгеләнеше;

- җитештерүченең исеме һәм аның урнашу урыны (илне дә кертеп, Юридик адрес);

- парфюмерия  товарларын чыгаручы ил;

— кулланучыдан (җитештерүче яисә импортерның вәкаләтле вәкиле) претензияләр кабул итүгә җитештерүче тарафыннан вәкаләтле оешманың (юридик адрес) атамасы һәм урыны,

— куллану тарасындагы продукциянең номиналь саны (күләме яки массасы), номиналь күләме 5 мл да ким булмаган парфюмерия продукциясеннән, яисә аның пробнигыннан тыш;

— яраклылык вакыты (җитештерү вакыты (ай, ел) һәм яраклылык вакыты (ай, ел), яки «....айга кадәр» (бер ай, ел) 

-  саклау шартлары;

- продукцияне кулланганда махсус саклык чаралары (кирәк булганда);

— партия номеры яки парфюмерия продукциясе партиясен билгеләргә мөмкинлек бирүче махсус код;

- парфюмерия продукциясен куллану ысуллары турында мәгълүматлар, аларның булмавы кулланучы тарафыннан парфюмерия продукциясен дөрес кулланмауга китерергә мөмкин;

— ингредиентлар исемлеге/продукция составы (шул ук вакытта парфюмерия (ароматик) композициясен аның составын ачмыйча гына бердәм ингредиент итеп күрсәтәләр).