"Александр Невский исемендәге Россия Федерациясе тикшерү комитетының кадетлар корпусы»федераль дәүләт белем бирү учреждениесенә укырга кандидатлар җыю турында
2022 елда 8 сыйныфка укырга гражданнарны кабул итү үткәрелә. Россия Федерациясе тикшерү комитеты рәисенең 2020 елның 30 ноябрендәге 126 номерлы боерыгы нигезендә, ятим һәм ата-ана тәрбиясеннән мәхрүм калган балага ай саен 10 250 сум күләмендә стипендия билгеләнгән. Ятим балалар һәм ата-ана каравыннан мәхрүм калган балалар арасыннан гражданнарны җыюга аерым игътибар бирелә.
Беренче уку елына (8 сыйныф) 15 яшьтән өлкәнрәк булмаган Россия Федерациясе гражданнары кабул ителә
Кадетлар корпусына кабул итү рус теле, математика, тарих һәм чит телләрдән керү сынаулары, кандидатларның белем алуга психологик әзерлеген билгеләү, физик әзерлек дәрәҗәсен билгеләү, шулай ук аларның иҗтимагый, иҗади һәм спорт казанышларын бәяләү нәтиҗәләре буенча гамәлгә ашырыла. Керү сынаулары 2022 елның 1 июненнән 20 июненә кадәр үткәрелә.
Кадетлар корпусы бушлай яшәү, туклану, кием-салым, түләүсез белем, беренчел медицина ярдәме күрсәтү, стипендия түләү, укучыларны тәүлек буе карап тоту һәм аларның иминлеге, тәрбия, шул исәптән физик, танып-белү, сөйләм, социаль-шәхси, сәнгать-эстетик, рухи-әхлакый, патриотик, хезмәткә җәлеп итеп, тәрбияләү хокукын гарантияли., оптималь физик һәм нерв-психик үсешне, санитар-гигиена һәм эпидемиягә каршы режимнарны, көн режимы, рациональ туклану һәм хәрәкәт режимын, балаларның ялын һәм сәламәтләндерүен тәэмин итү чараларын тормышка ашыру, укучыларның шәхси эшләрен билгеләнгән тәртиптә алып бару.
2022 елның 12 февралендә кадетлар корпусында ачык ишекләр көне узачак.
Кадетлар корпусына документлар 2022 елның 1 мартыннан 30 апреленә кадәр кабул ителәчәк (тулырак сайтта http://kkskr.ru/applicants.