«Возьвыл мозмыт сяськаостэк, Улон бездыт нылкышнотэк» шигърият кичәсе

8 Март Халыкара хатын-кызлар бәйрәме алдыннан һәм «Кылбугор: удмурт телен һәм гореф-гадәтләрен саклап» проектын тормышка ашыру кысаларында һәм мәдәни инициативаларның президент фонды ярдәме белән Енабердино авыл китапханәсе Удмуртиянең Грах һәм Алнаш районнарыннан иҗат кешеләре, шагыйрьләр: Рыбакова Л.А., Долгова Л. А., Ныркова Т. П., Петрова М. А. һәм үзешчән композитор Батырев В. Н. белән очрашу оештырды.

Кунакларны «Төремшур кускылиос» балалар ансамбле, Менделеевск районының удмурт милли-мәдәни автономиясе җитәкчесе Кузнецова М. В., КФХ директоры Васильев Л.Н., Л. Рыбакова иҗатын сөюче балалар бакчасы тәрбиячесе Григорьева Е. Н. сәламләде. Җылы, күңелле шартларда, авторлар башкаруында мәхәббәт, гади кешелек хисләренә, туган якка, әнигә багышланган дулкынландыргыч шигырьләр яңгырады....Батырев В. Н.кунакларны үзенең музыкаль иҗаты, шул исәптән очрашу авторларының җырлары белән таныштырды. Барбарисова Н.М. һәм Атаманова Н.В. башкаруындагы җырлар яңгырады, ә автор Л.Рыбакованың. «Шуд» җырын бөтен зал җырлады. Менделеевск районы үзәкләштерелгән китапханәләр системасы директоры Красноперова Л.Ф. кунакларны җылы каршы алганы өчен рәхмәт белдерде, иҗади уңышлар, яңа кызыклы шигырьләр, җырлар теләде һәм бүләккә китаплар һәм рәхмәт хатлары тапшырды.

кылбугор

#Мәдәни инициативалар фонды