"һәрвакыт бәхетле булыгыз" исемле бәйрәм концерты
12 март көнне Монай авыл мәдәният йортында "һәрвакыт бәхетле булыгыз "дип исемләнгән бәйрәм концерты булып узды.
Зал язгы кәеф атмосферасына, тамашачыларның елмаюларына һәм шатлыкларына бай булды. Барлык катнашучыларны яз, мәхәббәт һәм өмет бәйрәме белән сәләтле алып баручылар-Диана Сазонова һәм Ләйсән Садриева җылы сәламләделәр.
Концерт программасы яраткан хатын-кызларга соклану һәм мәхәббәт белән сугарылган иде. «Веснушки», «Сладкоежки», «Азарт», «Энерджи»бию коллективлары гүзәл ханымнарга үзенең дулкынландыргыч, матур чыгышларын бүләк итте. «Ай балкышы» ансамбленең һәм «Миләшкәй» керәшен коллективының күңелле, назлы җырлары дөньядагы иң яхшы хатын-кызлар хөрмәтенә яңгырады. Солистлар Г.Петухова, Е. Созонова, Л. Садриева чыгышлары белән сөендерделәр.