«Бондюжский» ТИҮ халкы шәһәр җитәкчелегенә үз сорауларын бирде
Беренче мәктәп территориясендә гражданнар җыены узды.
Шәһәрдә җитәкчеләрнең халык белән очрашулары башланды.
Гражданнар җыены-аралашу өчен бик уңайлы формат, анда яшәүчеләр үзләрен борчыган сорауларны турыдан-туры җитәкчелеккә бирә алалар.
Очрашуда «Бондюжский» ТИҮ эшчәнлеге турында хисап белән Рәмзия Әхмәдиева чыгыш ясады. Әлеге территориядә узган ел шәһәр халкы катнашында 112 чара үткәрелгән. Рәмзия Хөснулла кызы сүзләренә караганда, «Бондюжский» ТИҮендә 58 күп балалы гаилә яши.
Менделеевск районының социаль-икътисади үсеше турында район җитәкчесе Радмир Беляев сөйләде. 2021 елда Татарстан Республикасы муниципаль районнарының социаль-икътисадый үсеше рейтингында Менделеевск районы, 9 пунктка үз позицияләрен яхшыртып, 10 нчы урында тора. Территориядә эшкуарлыкны үстерүнең төп ноктасы алгарышлы социаль-икътисади үсеш территориясе булып тора.
Бүгенге көндә алгарышлы социаль-икътисади үсеш территориясе резидентлары булып, инвестицияләрнең гомуми күләме 2,5 млрд. сум һәм 340 эш урыны булган 15 компания тора. Район җитәкчесе сүзләренә караганда, «безнең ишегалды» республика программасы буенча быел Менделеевск территориясендә 93 млн сумлык 33 ишегалды төзекләндереләчәк.
Халык төрле сораулар бирде. Пушкин урамында яшәүче менделеевлыларны подъездларны ремонтлау борчый. Бондюг халкы аларга асфальт җәюне тели, ә Тын Тау бистәсендә яшәүчеләр юл аша сыйфатлы юл аркылы чыгу юлын төзүне бик көтә.
Барлык сораулар да шәһәр Башкарма комитеты тарафыннан тыңланды һәм алга таба хәл итү өчен контрольгә алынды.