Туган ягым минем

Балалар китапханәсендә Менделеевскиның 55 еллыгына багышланган «Туган ягым минем» исемле туган якны өйрәнү викторинасы узды.

Балалар китапханәсендә Менделеевскның 55 еллыгына багышланган туган якны өйрәнү викторинасы узды. Чара район конкурсына әзерләнгән лэпбуклар биремнәре буенча оештырылды.

Викторина мәсьәләләре Менделеевск шәһәре тарихына, аның мәдәниятенә, әйләнә-тирә табигатенә багышланган иде. Балалар табышмакларга җаваплар таптылар, мәкальләр укыдылар, сүзләр төзеделәр. Викторина балаларга үз белемнәрен баетырга, үзенең кече Ватаны турында кызыклы мәгълүмат җыярга ярдәм итте. Кайбер сорауларга балалар җавап бирергә авырсындылар, шуңа күрә викторина сынау гына түгел, танып белү дә булып чыкты.