Сандыктан әкиятләр
2022 елның 26 мартыннан 3 апреленә кадәр Бөтенроссия балалар китабы атнасы, балалар китабын һәм укуны үстерүгә багышланган зур чара узачак. Быел балалар китабы атнасы бөек балалар язучысы һәм тәрҗемәче Корней Иванович Чуковскийның тормыш юлына һәм иҗатына, аның тууына 140 ел тулуга багышланган. Шуңа күрә атнаның күпчелек чаралары аның иҗатына багышланачак.
25 март көнне Татар Чаллысы авыл китапханәсенә «Корней Чуковскийның әкият дөньясы» күргәзмә- викторинасы куелды, ул анда килүчеләрне көтә. Ә “Колосок” балалар бакчасында тәрбияләнүчеләр өчен “Сандыктан әкиятләр” дигән мавыктыргыч уен үткәрелде.
Балалар сандыктан Корней Ивановичның әкиятләренә туры килгән әйберләрне чыгардылар. Китапханәче балаларга бу әкиятләрдән өзекләр укыды һәм эстафета үткәрде.
Чуковскийга рәхмәт әйтәбез,
Аның әкияте өчен без рәхмәт белдерәбез.
Алар безгә китаплар патшалыгына ишек ачтылар.