Ул тормыш хакыйкатенә тугры булды

Балалар китапханәсендә танылган Россия язучысы Валентин Григорьевич Распутинның иҗатына багышланган «Ул тормыш хакыйкатенә тугры иде» дип исемләнгән очрашу узды.

Очрашуга 3 нче мәктәпнең 6 "А" сыйныф укучылары (Заһидуллина Э.Г., Мулланурова Л.Д.) чакырылган иде. Алар Валентин Распутинның (1937-2015) биографиясе белән таныштылар, ә аннары "Француз дәресләре" әсәре буенча уенга күчтеләр. Уен 5 раундтан торды: "Разминка","Әсәрне яхшы белүчеләр","Әсәрне өзектән бел", "Мине аңла", "Геройны бел". Балалар ике командага бүленделәр һәм китапханәченең сорауларына рәхәтләнеп җавап бирделәр. Уен тәмамлангач, командалар дипломнар белән бүләкләнделәр.