Сезнең өчен, балалар, яңа китаплар

2 апрель көнне Турай авыл китапханәсе «Сезнең өчен, балалар яңа китаплар»дип исемләнгән әдәби яңалыклардан  укулар үткәрде.

Бәйрәмгә 3-5 нче сыйныф укучылары чакырылды. Балалар өчен яңа китапларга күзәтү әзерләнгән иде. Китап укучыларны «Әкиятләр илендә», «Татар халык мәкале», «Җиде энҗе бөртеге», «Ак барс кайда яши " китаплары һәм «Рәсемле татарча – русча сүзлек» белән таныштырдылар.Чара барышында балалар «Яраткан әкият геройлары» бәйгесендә катнаштылар, яңа китаплардан өзекләр укыдылар. Балалар китапханәдә вакытны күңелле һәм файдалы итеп үткәрделәр.