Чернобыль кайтавазы

Тихоново авыл китапханәсендә радиацияле аварияләр һәм һәлакәтләр корбаннарын искә алу көненә багышланган «Чернобыль кайтавазы " дип исемләнгән әңгәмә үткәрелде.

Китапханәче Чернобыль фаҗигасе, радиациянең ни дәрәҗәдә куркыныч булуы һәм үз гомерләре бәрабәренә дөньяны коткарган кешеләрнең батырлыклары турында сөйләде. Чара «Чернобыль: фаҗига һәм батырлык» дигән презентация белән үрелеп барды. Аннан соң «Чернобыль турында» видеосюжет карадылар, шул куркыныч вакыйгалар турында сөйләделәр, хәзерге Чернобыльне һәм кешелек өчен бу авариядән соң нинди нәтиҗәләргә ирешүен күрделәр. Чара «Чернобыль: Кичә, бүген, иртәгә»күргәзмәсенә күзәтү белән тәмамланды.