Казан егете Егор Уланов башлангыч тыңлаулар нәтиҗәләре буенча Россия театр сәнгате институтына (ГИТИС) укырга керергә тәкъдим ителде
МТС Идел буе абитуриентлары өчен Россия театр сәнгате институтына (ГИТИС) онлайн-тыңлау оештырды. Яшәү урыныннан читкә чыкмыйча, илнең югары уку йортына иҗади сынауларда Татарстанның 37 өлкән сыйныф укучысы һәм чыгарылышы үз көчләрен сынап карый алды. Нәтиҗәдә, ГИТИСка кергәндә беренче сынауны уңышлы үткән казанлы Егор Уланов өстенлеккә ия булды.
ГИТИСның Онлайн-кабул итү бүлмәсе - «Поколение М» МТС хәйрия проектының бер өлеше, ул барлык абитуриентлар өчен тигез шартлар тудыру һәм төбәкләрдә балаларга ярдәм итү һәм ата-аналарның Мәскәүгә беренче турга баруына киткән чыгымнарын киметү максатыннан оештырылган. Мондый мөмкинлектән Идел буе төбәкләре һәм республикаларыннан 200гә якын талантлы яшүсмер файдаланган.
Онлайн-тыңлау балаларның башкалада яшәүләренә һәм сәфәрләренә сизелерлек акчаны янга калдырырга мөмкинлек бирә. Гадәттәгечә, икенче этапка гариза бирүчеләрнең аз гына проценты узса да, Идел буе катнашучыларының югары мәдәни дәрәҗәсе куандыра. Мин заманча технологияләр үсәргә һәм билгеләнгән иҗади максатларга ирешергә ярдәм иткән балалар өчен бик шат. Сәнгать өчен бик шат, чөнки мондый проектлар безгә илнең иң ерак төбәкләрендә дә талантларны табарга мөмкинлек бирә",-дип билгеләп үтте театр вузының онлайн-кабул итү бүлмәсендә ГИТИС осталык кафедрасының өлкән укытучысы Екатерина Георгиевна Николаева.
Тыңлау нәтиҗәләре буенча, Мәскәүдә ГИТИСта сынауның икенче этабында катнашуга Казаннан Егор Уланов та тәкъдим ителде. Хәзер ул юристка укыса да, Егор хыяллары һәм таланты артыннан барырга әзер булуын әйтте.
«Татарстан быел активрак булды: үз көчләрен сынап карарга карар иткән катнашучылар арасында күпчелек өлешне безнең төбәк тәкъдим итте. Ә иң мөһиме, «Поколение М» проекты һәм МТС цифрлы технологияләр мөмкинлекләреннән республиканың төрле почмакларыннан килгән балалар файдалана алды. Шәһәрләр исемлегендә Казан һәм Яр Чаллы гына түгел, ә Әлмәт, Түбән Кама, Чистай, Менделеевск, Алабуга, Әгерҗе, Азнакай. Тыңларга гариза бирергә өлгермәгән, әмма сәхнә һәм легендар югары уку йортында уку турында хыялланган кешеләр «ГИТИС остаханәсе» онлайн-конкурсында катнаша алалар, үз эшләрен «Поколение М» проекты сайтында 31 майга кадәр йөклиләр», — дип шәрехләде МТС директоры Марат Шакиров.
Мәсәлән, онлайн-тыңлауларда катнаша алмаган талантлы татарстанлылар «Поколение М» проектының онлайн-конкурсында катнашу мөмкинлегенә ия. Моның өчен 15 яшьтән 18 яшькә кадәр катнашучыларга 2022 елның 31 маена кадәр үз башкаруындагы мәсәл, шигырь, җыр яки прозадан өзек видеога төшерергә, ә язманы проектның сайтына йөкләргә кирәк. ГИТИС педагоглары барлык алынган видеоларны карый һәм иң яхшыларның авторларына сайлап алынган факультетка тыңлауларның беренче турын узу хакында хәбәр ителәчәк. Жюри карары буенча шулай ук бер җиңүче сайлап алыначак, ул, иҗади зачетка өстәп, МТСтан Мәскәүгә ГИТИС буенча шәхси экскурсия һәм уку театрында спектакль карау белән барачак.