Әлфия Когогина: санкцияләр шартларында эшмәкәрлек инициативасына нәтиҗәле ярдәм итү буенча сәнәгать сәясәтен формалаштыру мөһим
Бүген Казанда Татарстан Республикасы Президенты Рөстәм Нургали улы Миңнеханов катнашында «Сәнәгатьне үстерү турында» дигән темага киңәшмә узды. Чара Татарстан Республикасы сәнәгать һәм сәүдә министрлыгы тарафыннан Казан дәүләт казна дары заводы мәйданчыгында оештырылды.
Киңәшмәдә РФ Дәүләт Думасы депутаты, Дәүләт Думасының кече һәм урта эшкуарлык комитеты рәисенең беренче урынбасары, «Эшмәкәрлек» федераль партпроекты координаторы Әлфия Когогина катнашты.
"Тышкы санкция басымы шартларында республика сәнәгать предприятиеләренең эше һәм бу вәзгыятьтә дәүләт ярдәме чараларын гамәлгә ашыру, шулай ук импортны алыштыруның мөһим бурычын хәл итү мәсьәләләре буенча эчтәлекле дискуссия оештырылды", - диде Когогина.
«Россия базарыннан көнбатыш җитештерүчеләре киткән санкцияләр шартларында эшмәкәрләр өчен зур мөмкинлекләр ачыла, һәм эшмәкәрләргә ярдәм итәчәк сәнәгать сәясәтен формалаштыру мөһим. Мондый мәйданчыкларда эшләү барышында без, нинди ярдәм инструментлары, закон чишелешләре кирәк, урыннарда ничек эшлиләр, сәнәгать һәм эшмәкәрлекне үстерү өчен нинди киртәләрне юкка чыгарырга кирәк дигән сорауларга җавап алдык», - дип билгеләп үтте парламентарий.
Россия сәнәгатенең аерым тармакларын реформалау һәм үстерү өлкәсендә дәүләт сәясәтен гамәлгә ашыру мәсьәләләре буенча доклад белән Россия Федерациясе сәнәгать һәм сәүдә министры урынбасары Олег Евгеньевич Бочаров чыгыш ясады.ы.
Чара барышында өстәмә һөнәри белем бирү һәм укыту - һөнәри белем бирү үзәге, заводның җыю цехлары һәм сынау полигоны эше белән танышу, шулай ук предприятиеләргә «Хезмәт батырлыгы предприятиесе. 1941-1945 еллар» исемен бирү тантанасы узды