Роспотребнадзор: Сөт сайлау буенча тәкъдимнәр турында
Сөт - универсаль азык продукты. Академик Павлов сөтне «табигать үзе әзерләгән, җиңел эшкәртелә һәм туклыклылык белән аерылып торган» азыкка кертә. Сөт белән без беренче сәгатьләрдән үк очрашабыз. Бөтендөнья сәламәтлек саклау оешмасының 12 рациональ туклану принцибының икесендә сөт турында әйтелә.
1.Яңа туган бала һәм беренче айлардагы бала өчен сәламәт туклануның төп принцибы-күкрәк сөте имезү, һәрхәлдә, 6 айга кадәр, 4 айдан да соңга калмыйча өстәмә ашату белән беррәттән имезү
2. Көн саен рационда кирәкле сөт һәм сөт продуктлары: көнгә 2-4 порция сөт продуктлары кулланырга киңәш ителә: бер стакан кефир, сөт, ряженка, 25-75 грамм сыр яки 50-70 грамм эремчек.
Сөт-җиңел үзләштерелә торган аксымның иң яхшы чыганакларыннан берсе. Бер стакан сөттә (200 мл) 7 граммга якын аксым бар
Сөт составында кальций, калий, магний, фосфор, витамин К2 бар, алар сөяк тукымасында минераль алмашуны нормальләштерүне тәэмин итә һәм остеопороз һәм сыну куркынычын киметә. Остеопороз 50 яшьтән өлкәнрәк хатын-кызларның 30% ына һәм ир-атларның 8% ына кагыла.
Бу төркем затларга сөтне даими нигездә (тәүлегенә 1-2 стакан) кабул итәргә киңәш ителә.
Сөт һәм түбән калорияле сөт продуктлары 2 типтагы шикәр диабеты, симерү куркынычын киметә, ябыгуга, димәк, йөрәк-кан тамырлары һәм терәк-хәрәкәт системасы эшен яхшыртуга ярдәм итә.
Сөтнең зыяны турындагы хәбәрләр планетада яшәүче һәр дүртенче кешенең лактозаны эшкәртә алмавы белән бәйле. Шуңа бәйле рәвештә, гражданнарның кайбер категорияләренә продуктны рационнан чикләргә яки тулысынча төшереп калдырырга кирәк.
Шуны истә тотарга кирәк, сөткә савым вакытында төрле микроорганизмнар эләгә ала, шуңа күрә сәнәгать предприятиеләрендә сөт сатуга керер алдыннан пастеризацияләнә. Чималны куллану алдыннан кайнатырга кирәк.
Сөт продукциясе сатып алганда, һичшиксез, этикеткада җитештерүче куйган саклау шартларын үтәргә кирәк.