"Балачак илендә"бәйрәме
Җәйнең беренче көнендә халыкара бәйрәм-балаларны яклау көне билгеләп үтелә. Бу балалар өчен күңелле һәм шатлыклы бәйрәм генә түгел, ә әти-әниләргә балаларыбызның мәхәббәт һәм даими кайгыртуга һәм яклауга мохтаҗ булуы турында искәртү дә. Ижевка авыл мәдәният йортында "Балачак илендә" дип исемләнгән бәйрәм бик күңелле үтте.
Күңелле бәйрәмгә әкият геройлары: мәче Базилио һәм төлке Алисә,Убырлы Карчык һәм аның кечкенә дуслары килгән иде. Бәйрәм балалар катнашында матур музыкаль номерлар белән бизәлде, ә бу:
▫ ️ "Колибри"балалар бию коллективы
▫ ️"Зоренька"балалар вокаль ансамбле
▫ ️"Карамельки" балалар бию коллективы( Ижевка "Кояшкай" балалар бакчасы)
▫ ️ "Салават күпере" театр түгәрәге (авыл китапханәсе)
▫ ️ Ижевка урта мәктәбенең 3 нче сыйныф укучылары һәм безнең яшь шигырь укучыларыбыз.
Бәйрәмне алып баручылар Лилия Вәлиева һәм Татьяна Кузнецова балаларны каникуллар башлану белән котладылар һәм барлык катнашучыларга җылы, кояшлы җәй теләделәр.
Бәйрәм ахырында мәдәният йорты директоры В.Б. Пономарева катнашучыларга рәхмәт хатлары һәм тәмле бүләкләр тапшырды.