«Балачак» исемле ил

Балалар китапханәсе абонементында «Балачак "исемле ил" дип исемләнгән китап күргәзмәсе оештырылды. Күргәзмәдә маҗараларга бай китаплар тәкъдим ителгән, алар балалар укуын төрлеләндерәчәк, шаккатырачак һәм бик күп якты тәэсирләр калдырачак.

Китапханәче Е.Назарова яшь китап укучыларны җәйге каникуллар башлану белән котлады, күргәзмәгә күзәтү үткәрде, уеннар уйнарга, күңел ачарга тәкъдим итте. Балалар сорауларга  һәм табышмакларга җаваплар бирделәр. Һәркем китапханәдән татлы бүләк алды. Мавыктыргыч сәяхәт ахырында китапханәче нәни укучыларга җәй көне китапханәне онытмауларын, һичшиксез китап укырга кирәклеген искә төшерде, һәм ул вакытта җәйге каникуллар күңелсез түгел, ә мавыктыргыч, кызыклы һәм файдалы узачак.