"Мәгариф" илкүләм проекты ярдәмендә район мәктәпләрендә ашханәләр ремонтланды

Агымдагы елда мәктәп ашханәләре 1-нче гимназиядә, Бәзәкә, Ижевка һәм Монаш мәктәпләрендә яңартылды.

Тантаналы ачылыш белем көнендә булды.

1 нче гимназиядә кызыл тасманы кисү хокукы Радмир Беляевка һәм мәктәп директоры Виктор Евдокимовка бирелде.

Линейкадан соң кунаклар азык-төлек блогын карадылар. Муниципалитет вәкилләре ремонтланган объектларның сыйфатын һәм функциональлеген шәхсән тикшерделәр. Алар ашханәне уңайлы, якты, заманча җиһазландырылган дип билгеләп үттеләр.

Шулай ук район җитәкчелегеннән мәктәпләргә 10 сентябрьгә кадәр мәктәпләрдә туклану хезмәте күрсәтү белән шөгыльләнүче оешма тарафыннан яңартылган ашханәгә савыт-саба алу өчен сертификатлар тапшырылды.

Киләсе елда программаны тормышка ашыру «Микай (Герасимов М.С.) исемендәге Илнәт урта гомуми белем бирү мәктәбе"ендә, " А.С.Климов исемендәге Иске Гришкино төп гомуми белем бирү мәктәбе"ндә һәм Менделеевск шәһәренең 2 нче урта гомуми белем бирү мәктәбендә планлаштырыла

Шуны да билгеләп үтәргә кирәк, «Мәгариф» илкүләм проекты - Россия Федерациясе Президенты Владимир Путин инициативасы буенча 2019 елдан Россиядә гамәлгә ашырыла торган 12 илкүләм проектның берсе.