Игелекле китаплар илендә

Шәһәребезнең 6 нчы балалар бакчасы сабыйлары Татар китапханәсе белән танышты.

Алар кызыксынып барлык күргәзмәләрне карадылар, китапханәгә язылу кагыйдәләрен белделәр. Игелекле китаплар арасында үзеңне тәртипле тоту, бер-береңә ярдәмчел, тәмле телле булу кирәклеген төшенделәр. Балалар бик күп тылсымлы сүзләрне барладылар: татарча да, русча да әйтеп чыктылар. Уен-сәяхәт вакытында “тылсымлы урындык”ка утырып, мәрхәмәтле булырга өйрәнделәр, халык әйтемнәрен, шигырьләр тыңладылар, китаплар карадылар. Китапханә дә, "Игелек һәм әдәплелек иленә" сәяхәт тә балаларга бик ошады.