Радмир Беляев «Менделеевск кечкенә шәһәр, автомобильдә йөрүнең мәгънәсе юк»
Менделеевск районы башлыгы Радмир Беляев «Парклар, башлыклар, шәһәрләр»проекты өчен Менделеевск буйлап виртуаль йөрү үткәрде.
Радмир Беляев Менделеевскиның җәмәгать киңлекләре буенча «Татарстан парклары» Telegram-каналында (https://t.me/park_tatar) тамашачыларга видео экскурсия уздырды. Тур 2020 елда элеккеге сәнәгать зонасы урынында төзелгән "Ушков утраулары" паркыннан башланды.
"Монда халык соравы буенча прокат оештырылды. Шәһәр оештыручы предприятие ярдәме белән заманча спорт инвентарьлары сатып алырга мөмкин булды - роликлы тимераяклар, велосипедлар. Һәм парк популярлашты. Безнең анализ күрсәткәнчә, җәйге сезон эчендә бездә 5 мең бала йөргән, - дип сөйләде Радмир Беляев.
Шулай ук җәй көне Менделеевскида велосипед юллары челтәре эшли башлады. Киләчәктә ул бөтен шәһәрне әйләндереп алачак.
«Менделеевск - зур булмаган шәһәр. Автомобильләрне кулланып, бер ноктадан икенчесенә күчүнең мәгънәсе юк. Мин велосипедларга утырырга кирәк дип саныйм. Бу уңайлы һәм җайлы. Өстәвенә, без уңайлы велосипед парклары урнаштырдык, шартлар тудырдык.