Татарстан Росреестры: игезәк сайтлар нәрсәсе белән куркыныч?
2020 елдан башлап Росреестр инициативасы белән игезәк сайтның 333 е ябылган. Ведомство мәгълүматлары буенча, аларның күләгә әйләнеше 5 миллиард сумнан артып киткән.
Росреестр даими нигездә гариза бирүчеләрнең хокукларын һәм законлы мәнфәгатьләрен яклау максатларында игезәк сайтлар эшчәнлегенә каршы тору буенча комплекслы эш алып баруга карамастан, аларны Интернет кырларында очратырга - бик мөмкин. Росреестр дәүләт сайтының тышкы кыяфәтен һәм эчтәлеген күзәтеп, алар билгеле бер түләүгә ведомство хезмәтләрен - Бердәм дәүләт күчемсез милек реестрыннан (ЕГРН) өземтәләрне алырга тәкъдим итәләр.
Шул ук вакытта, Татарстан Росреестрында сөйләүләренчә, БДКМРда булган мәгълүматларны бирү буенча дәүләт хезмәте күрсәтү өземтә рәвешендә Росреестрның һәм аның карамагындагы оешмаларның аерым компетенциясенә керә. Татарстанда - Кадастр палатасы. Моннан тыш, 2021 елда сайтлар, мобиль кушымталар булдыруга һәм эшләүгә тыю билгели торган закон кабул ителде, алар ярдәмендә БДКМРда булган белешмәләрне бирү, шулай ук алынган белешмәләрне өченче затларга сатуны тыю тәэмин ителә. Шул ук вакытта мондый тыюлар күчемсез милек объектлары турында аналитик материаллар әзерләү өчен БДКМР белешмәләрен файдаланучы базарның намуслы катнашучыларына кагылмый.
"БДКМРнан өземтә алуга түләү тәкъдим итеп, чит затлар дөрес булмаган белешмәләр бирергә, өземтә өчен бәяне мөстәкыйль билгеләргә (кагыйдә буларак, арттырылган) яки бөтенләй хезмәт күрсәтмәскә мөмкин. Мондый төрдәге сайтларда башта бушлай булган мәгълүматларны сатып алу турында тәкъдимнәр бар, мәсәлән, күчемсез милек объектының кадастр бәясе турында, - дип шәрехли Татарстан Республикасы буенча Росреестр идарәсе җитәкчесе Азат Җаббаров. - Мондый хезмәт күрсәтүләрне законсыз рәвештә бирү һәм күчемсез милек әйләнеше өлкәсендә мошенниклык гамәлләренә алшартлар тудыра".
Кадастр палатасы мәгълүматлары буенча, агымдагы елда гына да Татарстанда БДКМРннан белешмәләр бирүгә 4 миллионнан артык гариза кергән, шул ук вакытта электрон рәвештә - 3,9 млн.
Кадастр палатасы директоры вазифаларын башкаручы Илнур Хисмәтуллин:
"Шикле сайтлар хезмәтләреннән файдаланып, гражданин актуаль булмаган яисә дөрес булмаган белешмәләр алырга, үзенең шәхси мәгълүматларын һәм мошенниклар файдалана ала торган банк реквизитларын хәбәр итәргә мөмкин. Шуңа күрә без браузерның адреслы юлында сайтның исеменә аеруча игътибар итәргә киңәш итәбез. Росреестрның һәм Федераль кадастр палатасының рәсми сайтлары - rosreestr.gov.ru һәм kadastr.ru. Бары тик аларда гына күчемсез милек турында дөрес һәм актуаль мәгълүмат алырга мөмкин. Башка ресурслар биргән белешмәләр өчен Росреестр һәм Кадастр палатасы җаваплы түгел".