“Җәмле Җураш буйларында” төбәкара керәшен мәдәнияте фестивале
12 ноябрьдә Менделеевск районы Иске Гришкин авылында гөрләп “Җәмле Җураш буйларында” төбәкара керәшен мәдәнияте фестивале узып китте. Фестивальга Республикабызның 15 районыннан фольклор коллективлар җыелды. Алар фольклор ансамбль, халык биюве, вокал номинацияләрендә көч сынашты.
Менделеевск районының данын якладылдар: С.Гассара исемендәге мәдәният йортының “Туганайлар” ансамбле, Иске Гришикин авылы мәдәният йортының “Бигәш” һәм “Бигәшкәй” ансамбльләре, Сәйтәк авылы клубының “Карендәшләр” ансамбле һәм Ксения Александрова, Мунайка авылы мәдәният йортының “Миләшкәем” ансамбле.
Фестивальдә 40 тан артык чыгыш игълан ителде. Барлык килгән коллективлар да югары бәяләнеп, төрле дәрәҗәдәге лауреат исемнәренә лаек булдылар. Мәртәбәле жюри фестивальнең иң дәрәҗәле бүләге —гран-прины Балтач районыннан “Орчык” гөсләчеләр ансамбленә тапшырды.
Шулай ук, “Җәмле Җураш буйларында” фестивален югары дәрәҗәдә оештырган һәм үткәргән өчен Керәшен мәдәни үзәге директоры Виктор Япаевка Түбән Кама Керәшен җәмгыяте идарәсе рәисе Тамара Багаутдинова исеменнән рәхмәт хаты һәм медаль тапшырылды.
