Әлфия Когогина: бөтен ил өчен бердәм балалар белән гаиләләргә ярдәм итү кагыйдәләре билгеләнде
Дәүләт Думасы икенче һәм өченче укылышта балары булган гаиләләр өчен универсаль пособие билгели торган социаль әһәмиятле закон кабул итте. Пособиене керемнәре бер кешегә төбәк яшәү минимумыннан түбән булган гаиләләр алачак.
Дәүләт Думасы депутаты, кече һәм урта эшмәкәрлек комитеты рәисенең беренче урынбасары Әлфия Когогина болай дип шәрехләде: «Без балалы гаиләләргә ярдәм итүнең барлык рәвешләрен алу буенча бөтен ил өчен бердәм кагыйдә булдырдык. Ярдәмне аңа мохтаҗ барлык гаиләләр алачак. Федераль бюджеттан 2023 елда һәм аннан соңгы ике елда универсаль пособиене финанслауга 1 трлн сумнан артык юнәлдереләчәк ".
Бердәм пособиегә социаль ярдәмнең гамәлдәге чаралары керәчәк, шул исәптән: вакытлыча хезмәткә яраксызлык очрагында һәм ана булуга бәйле рәвештә мәҗбүри социаль иминләштерелергә тиеш булмаган гражданнарга йөкле, иртә срокта исәпкә баскан йөкле балага айлык пособие, бала тууга яки уллыкка алынуга бәйле рәвештә өч яшькә кадәр, шулай ук өч яшьтән җиде яшькә кадәрге һәм сигез яшьтән 17 яшькә кадәрге балаларга айлык түләүләр.
Шулай ук тагын бер мөһим карар кабул ителде: кереме бер яшәү минимумыннан түбәнрәк булган гаиләләр ана капиталы акчалары исәбеннән балалар санына бәйсез рәвештә айлык түләүне рәсмиләштерү мөмкинлеге алачак. Хәзер ата-аналар моны икенче бала тугач кына эшли ала.