Кулланучы почмагы. Сыйфатсыз юридик хезмәтләр күрсәткәндә кулланучылар хокукларын яклау
Гамәлдә кулланучылар хокукларын яклау буенча сыйфатсыз булган юридик хезмәтләр күрсәтү очраклары күзәтелә: хезмәт күрсәткәндә өстәмә хезмәтләр тагалар, түләүнең «соры» схемалары (физик зат картасына түләү) яисә гражданнарның тиз ышанучан категориясеннән кыйммәтле хезмәт күрсәтү шартнамәләренә кул куйдыру очраклары кулланыла. Юридик компанияләр офисларында кулланучылар белән кредит килешүләре төзелү очраклары да була. Шул ук вакытта кулланучы шәхси консультациягә килер алдыннан үзләре белән паспорт һәм башка документларны алуны сорыйлар.
Шуңа бәйле рәвештә кулланучыларның игътибарын кайбер гади һәм нәтиҗәле киңшәләргә юнәлтәбез. Юридик хезмәтләр күрсәтүгә шартнамә төзегәнче, башкаручы турында мәгълүматны өйрәнергә кирәк: Юридик хезмәтләрне башкару турында мәгълүматлар кулланучыга күрсәтмә һәм уңайлы урында җиткерелергә, шулай ук шартнамәдә булырга тиеш.
Килешү төзегәнче, клиентларның Интернет челтәрендәге фикерләре, шулай ук башка компанияләрдә шундый ук хезмәтләр бәясе белән танышыгыз.
Килешү имзаланганчы, контракт предметын һәм шартларын, аны үтәү вакытын һәм хезмәт бәясен җентекләп тикшерегез.
Шартнамәгә кул куйганчы, килешүнең предметын һәм шартларын, аны үтәү срокларын һәм хезмәтнең бәясен игътибар белән өйрәнегез. Әгәр шартнамәдә "шикаятьләр проектын төзү" яки "дәгъвалар төзү" кебек хезмәтләр генә язылган булса, бу бары тик шушы документлар өчен генә түләүне аңлата. Юридик хезмәтләр күрсәтүгә шартнамә төзегән вакытта башкарылган эшләр актына кул куюдан баш тартыгыз.
Шуны исегездә тотыгыз: барлыкка килгән проблемалар буенча РФнең һәр гражданины түләүсез нигездә дәүләт органнарына мөрәҗәгать итәргә хокуклы.
Шулай ук кулланучылар хокукларын яклау буенча Татарстан Республикасы порталында (https://www.tatzpp.ru/) «хокукый тәэмин итү (Белем базасы)» салынмасында кулланучылар өчен барлык кирәкле мәгълүмат урнаштырылган.
ТР Дәүләт алкоголь инспекциясе органының Яр Чаллы территориаль идарәсе