Менделеевскида булачак мәгариф кластеры буенча стратегик сессия узды
Менделеевскида «Белем бирү химия-технология кластеры: миссия, модель, концепция»дигән ике көнлек стратегик сессия төгәлләнде. Аны сессия мәйданчыкларында бергәләп мәгариф учреждениеләре җитәкчеләре, администрация, белем бирү кластерына инвестицияләр кертә торган «Аммоний» АҖ вәкилләре, шулай ук «Точка Пси» белем бирүне психологик яктан тәэмин итү үзәге белгечләре эшләде.
"Безнең миссия бүген - белем алу өчен шундый шартлар тудыру, безнең балалар моннан китәргә теләмәсеннәр өчен! Хәзер, белем алганнан соң, статистика буенча, тәмамлаучыларның 6 %ы кире Менделеевскига кайта. Без моны төзәтергә тиеш», - дип билгеләп үтте сессиядәге чыгышында район башлыгы Радмир Беляев.
Кластерның тулы кыйммәтле эшләве өчен Менделеевскида башлангыч мәктәптән алып югары уку йортына кадәр юлны гамәлгә ашыралар. Ике көн дәвамында мәгариф өлкәсендә экспертлар концепция, миссия, булачак химия лицее программасын эшләде.
Шулай ук район башлыгы Радмир Беляев һәм «Аммоний» АҖ генераль директоры Дмитрий Макаров киләчәк лицей мәйданчыгын карадылар. 3 нче мәктәптә капиталь ремонт үткәрелә. Сыйныфта коридорда нәрсә барганын күреп торыр өчен пыяла бүлемнәр урнаштыралар. Биналар якты һәм иркен булачак. Өченче мәктәп базасында лицейны ачу быел планлаштырыла.