Федераль Җыен үз территориясеннән читтә АКШның хәрби-биологик эшчәнлеге белән бәйле рәвештә дөнья илләре парламентларына мөрәҗәгать итә
Украина территориясендә Америка биолабораторияләре эшчәнлеген тикшерү буенча парламент комиссиясе түбәндәге нәтиҗәләргә килде: «АКШның медицина-биология программасы Пентагон тарафыннан тормышка ашырыла һәм финанслана, яшерен һәм хәрби-гамәли характер йөртә».
"АКШның Оборона министрлыгы үзенең профильле фәнни үзәкләрендә алга таба тикшеренүләр өчен аеруча куркыныч патоген микроорганизмнар җыя, генетик материал сайлап ала, кеше организмының биологик коралның потенциаль агентлары булырга мөмкин булган төрле патогеннар йогынтысына реакциясен билгеләү максатларында җирле халыкның иммун системасы үзенчәлекләрен өйрәнә... Аларны куллану йогышлы авыруларның табигый кабынышлары астына яшерелергә мөмкин ", - дип билгеләп үтелгән мөрәҗәгатьтә.
Дәүләт Думасы депутаты, кече һәм урта эшмәкәрлек комитеты рәисенең беренче урынбасары Әлфия Когогина болай дип шәрехләде: «Якынча исәпләүләр буенча, башка дәүләтләр территорияләрендә Вашингтон контролендә булган 400 гә якын ике билгеләнештәге биолаборатория эшли. Башка илләр парламентларына безнең мөрәҗәгатебез аларның АКШнң Оборона министрлыгы белән сәламәтлек саклау министрлыгы төзи торган килешүләргә игътибар итәргә тиеш.Медик-биологик проектлар астында Пентагонның хәрби-биологик эзләнүләре һәм бактериологик (биологик) һәм токсинлы корал запасларын эшләүне, җитештерүне һәм туплауны тыю һәм аларны юкка чыгару турында Конвенцияне бозу яшеренә".