Татарстанда социаль Фонд тарафыннан яңа кагыйдәләр үз көченә кергәннән соң ана капиталыннан ай саен меңнән артык айлык түләү билгеләнгән
Татарстанда яшәүче 1,3 мең гаилә, акча белән идарә итү мөмкинлекләрен киңәйткән үзгәрешләр гамәлгә кергәч, ана капиталыннан ай саен түләү ала башлады. Шуларның 150дән артыгы 3 яшькә кадәрге һәр балага ике һәм аннан да күбрәк түләү рәсмиләштергән.
Искәртеп узабыз, 2023 елдан башлап тагын да күбрәк ата-аналар ана капиталыннан түләү ала ала. Хәзер ул 3 яшькә кадәрге һәр балага, шул исәптән беренче балага бирелә. Элек гаиләләр ана капиталын бу максатларга икенче бала туганда гына юнәлтә алганнар, шул ук вакытта ата-аналар бер түләү алганнар, хәтта гаиләдә 3 яшькә кадәр берничә бала булса да.
Айлык түләү күләме гариза бирелгән вакытта гаилә яшәгән төбәктә билгеләнгән баланың бер яшәү минимумын тәшкил итә. Татарстан Республикасында-аена 11 852 мең сум.
Элеккечә, түләү кешегә уртача җан башына керем ике яшәү минимумыннан кимрәк булган гаиләләргә билгеләнә, ата-аналарның мөлкәт тәэмин ителешен һәм мәшгульлеген исәпкә алмыйча. Шулай итеп, гаиләдә 3 яшькә кадәр берничә бала булса, ә түләү алганда гаилә кереме ике яшәү минимумыннан артмаган булса, ата-аналар тагын бер түләү рәсмиләштерә ала. Гариза һәр балага аерым бирелә.
"Программа гражданнарның уңайлылыгы һәм ана капиталы чараларын куллануны киңәйтү өчен даими рәвештә уңай үзгәрешләр кичерә. Балалы гаиләләр өчен бердәм пособие кертелгәч, ана капиталын куллану мөмкинлекләре яңадан киңәйтелде. Өстәвенә, ата – аналар бер үк вакытта бердәм пособие дә, бала туу чиратына карамастан, ана капиталыннан түләү дә ала ала», - дип ассызыклады Россиянең социаль фондының Татарстан бүлеге идарәчесе Эдуард Вафин.
Шунысын да билгеләп үтәргә кирәк, гаилә Бердәм пособие сорап мөрәҗәгать иткәндә, 2023 елга кадәр билгеләнгән ана капиталы акчалары хисабына айлык түләү туктатылачак. Аны яңадан башлау өчен дәүләт хезмәтләре Порталы аша яки шәхсән социаль фондның клиент хезмәтләрендә яки КФҮтә гариза бирергә кирәк. Калган барлык документларны Фонд үзе сораячак. Гаризаны карау 10 эш көненә кадәр вакыт ала. Уңай карар кабул ителгәндә, акча 5 эш көне эчендә түләнә.