Татарстан Росреестры төзүчеләрне электрон элемтәгә актив күчәргә чакыра
Татарстан Росреестрында күпфатирлы торак йортларны һәм күчемсез мөлкәтнең башка объектларын өлешле төзү мәсьәләләре буенча төзүчеләр белән түгәрәк өстәл узды. Әлеге тема буенча фикер алышырга Татарстанның 16 төзелеш компаниясе вәкилләре килде.
«Республикабызда уздырыла торган актив цифрлаштыру барышында без даими рәвештә бу факторларны ачыклау һәм аларны оператив хәл итү өстендә эшлибез. Аерым алганда, без банклар белән тыгыз хезмәттәшлекнең уңышлы тәҗрибәсенә ия һәм алда әйткәнебезчә, Росреестр эшенең өстенлекле юнәлешләренең берсе - профбергәлекләр белән электрон элемтәгә күчү. Быелның беренче ике аенда ук өлешле катнашу шартнамәләрен теркәүгә кергән барлык гаризалардан 86% электрон килде, - дип шәрехләде Татарстан Республикасы буенча Росреестр идарәсе җитәкчесе урынбасары Лилия Борһанова.
Киңәшмәдә төзелештә өлешләп катнашу шартнамәләрен (ДДУ) электрон теркәүнең төп өстенлекләре турында сөйләделәр. Аерым алганда, бу әлеге хезмәтне теләсә кайсы вакытта һәм урында теркәүнең иң кыска сроклары һәм һәркем өчен ачык булуы.
Утырыш барышында шулай ук, 2020 елдан башлап төзүчеләр Росреестрга өлешчегә милек хокукын дәүләт теркәве турында физик һәм юридик затлардан ышаныч кәгазе булмаса гариза бирергә хокуклы, бу хокукларны теркәү процедурасын шактый гадиләштерә һәм административ киртәләрне киметә, дип искәрттеләр.
Түгәрәк өстәл кысаларында Росреестр вәкилләре шулай ук төзүчеләрнең игътибарын өлешләп төзелештә катнашу турындагы шартнамәләрне дәүләт теркәвенә комачаулаучы иң киң таралган сәбәпләргә юнәлтте. Мәсәлән, төп хаталарның берсе дәүләт пошлинасын тулысынча түләмәү һәм документларның сыйфатсыз комплекты белән бәйле булуын билгеләп үттеләр.
Мондый җитешсезлекләрне оператив рәвештә бетерү өчен Росреестр экспертлары Телеграмда чат-бот булдыру тәкъдиме белән чыктылар, анда регистраторлар төзүчеләр тарафыннан туктатылу сәбәпләре турындагы мәгълүматны оператив рәвештә тапшыра һәм аларны бетерү нәтиҗәсе буенча кире элемтә ала алыр иде.
«Татарстан Росреестры белән нәтиҗәле хезмәттәшлек нәтиҗәсендә 2022 елда теркәлү срокларын шактый киметүгә ирешелде. Безнең өчен, төзүчеләр өчен, бу сизелерлек нәтиҗә бирде, вакытлы чыгымнарны киметү нәтиҗәсендә без сатулар күләме буенча максатчан күрсәткечләрне уңышлы яба һәм предприятиенең акча агымын саклап кала алабыз", - дип билгеләде "Унистрой" ДК килешүләрен юридик озату һәм күчемсез милекне теркәү буенча директоры Диләрә Осипова.