Бала туу һәм тәрбияләү уңаеннан айлык пособие буенча сорауларга (Бердәм пособие) Менделеевск районындагы клиентлар хезмәте җитәкчесе Раушан Иштанова җавап бирә

- Бердәм пособие (бала туу һәм тәрбияләү белән бәйле айлык пособие) рәсмиләштерү өчен нәрсә кирәк?

- Бердәм пособиене рәсмиләштерү өчен, гаризаны уңайлырак ысул белән бирергә кирәк: РФ Дәүләт хезмәтләре порталы аша; шәхсән  РСФ яисә КФҮ территориаль органында. Күпчелек очракта бердәм пособие билгеләү өчен кирәкле барлык белешмәләр ведомствоара электрон хезмәттәшлек кысаларында керә. Шул ук вакытта, бердәм Дәүләт хезмәтләре порталы аша гариза бирелгән очракта һәм мөрәҗәгать итүчегә йөкләнгән өстәмә документларны тапшыру зарурлыгы булган очракта, гражданга дәүләт хезмәтләренең шәхси кабинетына 10 эш көне эчендә  РСФ территориаль органнарына кирәкле документларны бирү кирәклеге турында хәбәр ителәчәк.

- Түләү билгеләгәндә элекке тормыш иптәшенең керемнәре гаилә керемнәрендә исәпкә алынамы?

- Түләү билгеләү турында гариза белән мөрәҗәгать иткәндә гаилә әгъзаларының мөрәҗәгать итү датасына керемнәре исәпкә алына. Әгәр никах түләүне сорап мөрәҗәгать иткән көнгә кадәр өзелгән булса, элеккеге ир гаилә әгъзасы түгел, шуңа күрә аның керемнәрен бирергә кирәкми (алиментлар турында мәгълүматлардан тыш).

- Түләү билгеләнгәндә шәхси торак төзелеше (ИЖС) өчен билгеләнеп арендага алынган җир кишәрлеге милек хәленә исәпкә алынамы? Юк, мөлкәти нигезләмәне бәяләгәндә милектәге җир кишәрлекләре исәпкә алына.