Россия социаль фондының Татарстан Республикасы буенча бүлеге җитештерүдә зыян күргән гражданнарга югары технологияле протезлар тапшырды
Россия Социаль фондының Татарстан Республикасы буенча бүлеге җитештерүдә бәхетсезлек очраклары нәтиҗәсендә зыян күргән гражданнарны кыйммәтле протезлар белән тәэмин итү буенча планлы эшне дәвам итә. 29 һәм 31 мартта ике татарстанлыга 5 млн.сумнан артык микропроцессор белән идарә ителә торган югары технологияле протезлар бирелде.
Югары технологияле протезлар белән идарә итү сенсорлар тарафыннан мускул сигналларын уку хисабына башкарыла. Ясалма интеллект ярдәмендә микропроцессор белән идарә ителгән протез ярдәмендә гражданнар үзләрен ышанычлырак һәм уңайлырак хис итә алачак.
"Бүлек көн саен техник реабилитация чараларына һәм протез -ортопедия эшләнмәләренә мохтаҗларны тәэмин итү буенча эш алып бара, һәм фондка яңа гаризалар кергәч, контрактлар төзү буенча эш дәвам ителәчәк. Бүгенге көндә җитештерүдә зыян күрүчене реабилитацияләү программасы буенча протезлар таләп иткән барлык татарстанлыларга әлеге реабилитация чаралары бирелде», - дип шәрехләде Россия Социаль фондының Татарстан Республикасы буенча бүлеге идарәчесе Эдуард Вафин.
Җитештерүдә бәхетсезлек очракларыннан һәм һөнәри авырулардан мәҗбүри социаль иминиятләштерү кысаларында эш бирүче һәр ай саен Россия Социаль фондына хезмәткәрләре өчен иминият кертемнәре түли, аларның бер өлеше зыян күрүчеләрне иминиятләштерүгә (вакытлыча эшкә сәләтсезлек буенча пособие, бер тапкыр бирелә торган һәм ай саен иминият түләүләре), шулардан медицина, социаль һәм һөнәри реабилитация чыгымнары түләнә.
Барлык кирәкле техник реабилитация чаралары һәм протез-ортопедик эшләнмәләр медицина-социаль экспертиза комиссиясе тәкъдим иткән җитештерүдә зыян күрүчене реабилитацияләү программасына ярашлы бирелә.