Киләчәк пенсия турында хәбәрнамәләр
2022 елдан социаль фонд гражданнарга картлык буенча иминият пенсияләре һәм пенсия тупланмалары өлешендә пенсия хокуклары турында актив хәбәр итә башлый. Хәбәрләр 45 яшьтән ир-атларга һәм 40 яшьтән хатын-кызларга дәүләт хезмәтләре порталындагы шәхси кабинетка җибәрелә, киләчәктә мәгълүмат өч елга бер тапкыр киләчәк.
Мәгълүмат 40 яшькә җиткән хатын-кызга һәм 45 яшькә җиткән ир-атка бирелә.
Россия Пенсия фондының мәгълүмати хатында гражданнар картлык буенча иминият пенсиясенә хокук алу шартлары белән таныша, пенсиягә чыкканчы тагын күпме стаж алырга кирәклеген белә, шулай ук пенсиянең фаразланган күләмен күрә ала.
"Актив мәгълүмат бирү гражданнарга пенсия хокукларын алдан бәяләргә һәм кирәк булганда аларны арттыру буенча адымнар ясарга, стаж вакытларын һәм пенсия коэффициентлары күләмен төгәлләргә, шулай ук Пенсия фондында формалаштырыла торган пенсия тупланмалары күләме турында белергә мөмкинлек бирә», - дип билгеләп үтте Татарстан Пенсия фонды башлыгы Эдуард Вафин.