Балаларны укыту өчен ана капиталын куллануны электрон рәвештә ничек рәсмиләштерергә
Балаларны укыту өчен түләүне яки мәктәпкәчә белем бирү оешмаларында балаларны карау өчен ана капиталы акчаларын куллануны җиңеләйтү өчен, социаль Фонд тарафыннан бөтен республика буенча югары уку йортлары, урта һәм һөнәри белем бирү оешмалары һәм балалар бакчалары белән электрон рәвештә мәгълүмат алмашу буенча эш алып барыла.
Элек ана капиталын баланы укытуга (күзәтүгә) җибәрергә карар иткән гаиләләргә Россия социаль фондына уку йортыннан (мәктәпкәчә белем бирү оешмасыннан) түләүле белем бирү хезмәтләре күрсәтү турында килешүнең күчермәсен тапшырырга кирәк иде.
Хәзер ата-аналарга Россия социаль фондына тиешле гаризаны электрон рәвештә бердәм дәүләт хезмәтләре порталы аша тапшыру җитә. Килешү турында мәгълүматны Россия социаль фонды органнары мөстәкыйль рәвештә сораячак.
Исегезгә төшерәбез, белем алу өчен түләүгә ана капиталы җибәрелә торган бала 25 яшьтән өлкәнрәк булмаска тиеш, ә уку оешмасы Россиядә булырга һәм белем бирү хезмәтләре күрсәтүгә лицензиягә ия булырга тиеш.
Шунысын да билгеләп үтәргә кирәк, ана капиталы акчаларын дәүләт сертификатын алганнан соң ук, ягъни баланың 3 яшькә җитүен көтеп тормыйча, мәктәпкәчә белем бирү оешмасында баланы караган өчен түләүгә юнәлтергә мөмкин.