"Глаголица " X Халыкара бәйсез әдәби премиясе чакыра!
"Глаголица" Х Халыкара бәйсез әдәби премиясе конкурс эшләрен кабул итү турында игълан итә. 10 яшьтән алып 17 яшькә кадәрге (17 яшьне кертеп) рус һәм татар телләрендә проза һәм шигърият, шулай ук эсселар, сценарийлар, комикслар, пьесалар, фанфиклар язучы һ.б. чакырыла. Үзеңне шулай ук «Инглиз теленнән рус теленә сәнгатьле тәрҗемәләр» номинациясендә дә сынап карарга мөмкин. Конкурс һәм катнашу шартлары турында тулырак премиянең рәсми сайтында «Положение»бүлегендә.белергә мөмкин https://www.glagolitsa-rt.ru/
Конкурсны оештыручы - «Бәхетле тарихлар» хәйрия фонды (Казан шәһәре). Катнашу бушлай, оештыру кертемнәре юк.
«Глаголица " премиясендә катнашу-үз талантыңны күрсәтү мөмкинлеге генә түгел, ә әдәбият турында кыйммәтле тәҗрибә һәм белем алу мөмкинлеге дә. Финалга чыгучыларның эшләре ел саен төбәк һәм федераль басмаларда басыла, балалар радио һәм телевидениедә чыгыш ясыйлар, «Зур киселеш» телекүперендә катнашалар. Яшь талантларның әсәрләре глаголицаның еллык альманахында басыла. Ә иң мөһиме-финалга чгучылар Казанга әдәби сменага жюри әгъзаларыннан мастер-класслар, танылган язучылар белән иҗади очрашулар һәм танып белү мәдәни программасы белән бушлай юлламалар ала. Быел әдәби смена «Адымнар» полилингваль мәктәбенең өстәмә белем бирү үзәгендә 16-21 ноябрьдә узачак.
Глаголица премиясенең приз фондына - Гран - прида җиңгән өчен кыйммәтле бүләкләр һәм төп бүләк бәллүр ябалак керә. Бүләкләү тантанасы С. Сәйдәшев, исемендәге зур концерт залында Татарстан Республикасы яшьләр симфоник оркестры һәм бәйрәмнең хөрмәтле кунаклары катнашында узачак. Алып баручы Россия Федерациясенең атказанган артисты, танылган театр һәм кино актрисасы Нонна Гришаева.
10 ел эчендә проектта Татарстан Республикасының 45 шәһәреннән һәм районыннан, Россиянең 76 төбәгеннән һәм дөньяның 29 иленнән 8 000нән артык яшь язучы катнашты. Яшь авторларның әсәрләре танылган язучылар, тәрҗемәчеләр һәм журналистлар тарафыннан бәяләнә. Быел жюри әгъзаларында: Андрей Усачев, Наринэ Абгарян, Нина Дашевская, Сергей Махотин, Виктор Лунин, Андрей Жвалевский, Евгения Пастернак, Варга Варшавер, Надежда Ажгихина һ.б. татар телендәге эшләрне Татарстан язучылары: Галимьян Гыйльманов, Рөстәм Галиуллин, Рифат Сәлах бәяләячәк.
Премиядә катнашу өчен гаризаны сайтта бирергә мөмкин https://www.glagolitsa-rt.ru/. эшләрне кабул итү вакыты-2023 елның 11 сентябренә кадәр (Мультилингвистлар – 2023 елның 22 сентябренә кадәр)