Социаль фонд инвалидларны техник тернәкләндерү чаралары белән тәэмин итә.

Бу кресло-коляскалар, протезлар ,дымны тиз сеңдерә торган керләр һәм башка әйберләр.

Татарстанда барлыгы 33 меңнән артык кеше техник тернәкләндерү чаралары алды.

Инвалидлар техник тернәкләндерү чараларын һәм протез -ортопедик әйберләрне ничек алырга икәнен сайлый ала. Техник тернәкләндерү чараларын натураль формада алу өчен Россия Социаль фондына гариза бирергә кирәк.

Аларны шулай ук үзегез сатып алырга мөмкин, ә социаль фонд компенсация түләячәк, яки махсус кибеттән электрон сертификат акчасына техник тернәкләндерү чаралары сатып алачак.

Татарстанда 27,9 меңгә якын кеше 9 858,8 мең техник тернәкләндерү чаралары алган. 1,8 мең инвалид граждан кирәкле әйберләр өчен үзләре түләгәннәр, рәсмиләштерелгән электрон сертификатлар буенча 321,1 мең техник тернәкләндерү чаралары алганнар. Тагын 4,1 мең инвалид техник тернәкләндерү чаралары өчен компенсация алган.

Июнь аенда электрон сертификат мөмкинлекләре киңәйтелә, ә техник тернәкләндерү чаралары исемлегенә кул һәм аяк протезлары кертелә. Сертификат буенча бүген 270 төрле тернәкләндерү чаралары, шул исәптән заказ буенча эшләнгән шәхси әйберләр сатып алырга мөмкин.

Техник тернәкләндерү чаралары белән тәэмин итүгә гаризалар онлайн рәвештә дәүләт хезмәтләре порталында, Россия Социаль фондының клиент офисларында һәм күпфункцияле үзәк бүлекчәләрендә кабул ителә.

Социаль фонд техник тернәкләндерү чаралары сайлап алу һәм сатып алу өчен техник тернәкләндерү чараларының электрон каталогын эшләгән. Электрон сертификат буенча әйберне сигез көн эчендә алырга мөмкин, ә контракт буенча сатып алу өч айга кадәр вакыт ала.