2023 ел нәтиҗәләре буенча талпаннар аша йога торган инфекцияләр белән авырулар санын анализлау

Талпан вируслы энцефалиты һәм иксодлы талпан боррелиозларының иң актив урыны киң яфраклы, катнаш-киң яфраклы, көньяк  урманнар, шулай ук урман - далалар зонасы белән бәйле. Татарстан Республикасында 30 район, шул исәптән Менделеевск районы, талпан вирусы энцефалиты буенча эндемик булып тора.

2023 елда республика халкында 5 талпан вирусы энцефалиты очрагы теркәлгән, шуларның 3се Россия Федерациясенең башка субъектларыннан кертелгән, 2 авыруда эндемик районнарда (Мөслим, Лаеш) йоктырулар булган.

2023 елда республика халкында 48 иксодлы талпан боррелиозы очрагы теркәлгән (100 мең кешегә 1,2), бу 2022 ел күрсәткеченнән 22,1% ка түбәнрәк (2022 елда 57 очрак яки 100 мең кешегә 1,5 очрак). Иксодлы талпан боррелиозлары очраклары Казан шәһәрендә (20 очрак), Яр Чаллы шәһәрендә (7 очрак), Кайбыч районында (5 очрак), Зәй һәм Түбән Кама районнарында (3 очрак), Яшел Үзән, Кукмара һәм Сарман районнарында (2 очрак), Әгерҗе, Лаеш, Лениногорск һәм Чистай районнарында (1 очрак) теркәлгән.