Татарстанлылар бер ел эчендә махсус хәрби операция зонасына 7 000гә якын посылка җибәргән
Татарстанлылар бер ел эчендә махсус хәрби операция зонасына 7 000гә якын посылка җибәргән
Узган елның маеннан почта бүлекчәләре махсус хәрби операция зонасына хәрбиләр өчен бушлай посылкалар кабул итә башлады.
Мондый җибәрүләрне компания өстенлекле тәртиптә эшкәртә һәм аларның үтү вакытын контрольдә тота. Почта инфраструктурасы ярдәмендә һәр гаилә, туганнары һәм дуслары махсус хәрби операция зонасында бурычларын үтәүче хәрбиләр белән элемтәдә тора ала. Посылкада яки хатта хәрби часть номерын, фамилиясен, алучының исемен һәм адресын күрсәтергә кирәк: Мәскәү шәһәре, 103400.
Операторлар җибәрүләрне ачык килеш кабул итәләр, тыелган әйберләр булмасын өчен эчтәлеген тикшерәләр. Мәсәлән, тиз бозыла торган ризыклар. Һәр җибәрүнең авырлыгы 10 килограммнан артмаска тиеш, шуңа күрә почта бүлекчәләрендә аларны үлчәп, кирәк булганда җибәрүне берничә тартмада рәсмиләштерәләр. Россия почтасы Мәскәүдә Оборона министрлыгы вәкилләренә посылкалар тапшыра, алар адресатларга җибәрүләрне үзләре җиткерә.
Хәрби хезмәткәрләргә посылкаларны бушлай җибәрү кагыйдәләре турында тулы мәгълүматны Россия Почтасының контакт-үзәгендә 8-800-100-00-00 телефоны буенча төгәлләргә мөмкин.