Авыл халкының эшлекле активлыгын арттыру мәсьәләләре буенча зона семинар-киңәшмәсе
Анда ТР авыл хуҗалыгы һәм азык-төлек министры Марат Җәббаров, «ТР муниципаль берәмлекләр Советы» Ассоциациясе рәисе Экзам Гобәйдуллин, район башлыклары, депутатлар корпусы, республиканың төрле ведомстволары җитәкчеләре һәм вәкилләре катнашты.
Шулай ук Актаныш, Алексеевск, Алабуга, Менделеевск, Минзәлә, Түбән Кама, Сарман, Тукай, Чистай районнарыннан катнашучылар килде.
Семинар кысаларында кунаклар Кичкетаң авылындагы «Муллануров Т.Х». КФХ сарык фермасында, Сарсак-Омгадагы Черновлар мини-фермасында булдылар.
Аннары Иж-Бубый тарихы музеена экскурсия оештырылды, ул Мөхәммәтҗан Әхмәтҗанов исемендәге йорт-музеенда урнашкан.
Шулай ук Әгерҗедә кунаклар Җиңү мәйданында Мәңгелек утка чәчәкләр салдылар.
Семинар-киңәшмәнең пленар өлеше район мәдәният сараенда узды. Шулай ук монда түгәрәк өстәлләр дә узды. Төп темалар: авыл эшкуарлыгын үстерү, продукцияне сату һәм авылда кооперация, авыл территорияләрен комплекслы үстерү мәсьәләләре.
Пленар өлеш республика конкурсларында җиңүчеләрне бүләкләү белән тәмамланды.
«ТР агросәнәгать комплексында кече хуҗалык итү формаларын үстерү буенча иң яхшы авыл җирлеге башлыгы» номинациясендә Песәй авыл җирлеге башлыгы Вилдан Мөхәммәтгалиев бүләк алды.
«Татарстан Республикасының иң яхшы крестьян (фермер) хуҗалыгы башлыгы» номинациясендә КФХ башлыгы Умуд Гулиев җиңде.
Бәзәкә авыл җирлеге башлыгы Илмир Кәшәфетдинов «Татарстан Республикасы Муниципаль берәмлекләр советы» ассоциациясенең Татарстан Республикасы җирле үзидарә органнары эшчәнлегенең нәтиҗәлелеген арттыруга керткән өлеше өчен Рәхмәт хаты белән билгеләп үтелде👏