Менделеевскида эш сәфәре белән Татарстан Республикасы Премьер-министры урынбасары Васил Шәйхразиев һәм Татарстан Республикасы Рәисе департаментының эчке сәясәт мәсьәләләре буенча милли сәясәтне гамәлгә ашыру идарәсе башлыгы Данил Мостафин булды.
«ТР Менделеевск муниципаль районы мәдәният идарәсе» МКУ начальнигы Юлия Рыбакова милли бәйрәмне үткәрү программасы турында чыгыш ясады. Фикер алышу барышында лаунж зона, фото-зона һәм арт-объектлар оештыру, милли костюмнар, стилистика кебек аспектлар каралды.
Аннары күчмә киңәшмә узды, анда күңел ачу программасын оештырудан алып логистика мәсьәләләренә кадәр бәйрәмгә әзерлекнең барлык этаплары каралды Очрашу нәтиҗәләре буенча кирәкле йөкләмәләр бирелде.
Массакүләм чаралар вакытында хокук тәртибен саклауга һәм террорчылыкка каршы иминлеккә аерым игътибар биреләчәк.
Исегезгә төшерәбез, «Гырон-Быдтон» милли бәйрәме 29 июньдә Менделеевск районының Енабердино авылында узачак.
Барлык шәһәр халкын һәм кунакларын көтәбез! Күңелле, тәмле һәм тамашалы булыр!