Бәзәкә, Песәй, Камай һәм Туйма авылларында Сабан туе матур һәм күңелле үтте.
Бәйрәм кәефен уңай һава шартлары һәм шатлыклы катнашучылар көчәйтте.
Бәзәкәдә чын милли күпбәйге узды: Капчыкларда йөгерү, ат чабышлары, гер күтәрү, авыш бүрәнәдә йөрү һәм башка күп уеннар булды. Көрәшта Реназ Кәлимуллин җиңү яулады!
Сабан туе спорт ярышларысыз да үтмәде. Иң күп көтелгән һәм иң тамашалы ярыш һәрвакыт ат чабышлары була, аларсыз бер генә сабан бәйрәме дә үтми.
Район башлыгы Радмир Беляев авыл халкын һәм кунакларын сәламләде.
Искиткеч җырчы, Татарстанның һәм Башкортостанның халык артисты Айдар Галимов аерым атмосфера тудырды🙌
Бәйрәм кунаклары арасында Бөек Ватан сугышы ветераны Зәйнәк Әһли улы Әһлиев та бар иде.
Авылда яшәүче Шакирова Нәкыя Нәҗметдин кызына район башлыгы «Бәзәкә авылы алдындагы казанышлары өчен " медален тапшырды Нәкыя Нәҗметдин кызы озак еллар авыл советында эшләде.
Песәй авылындагы Сабан туенда татар эстрадасының популяр җырчысы Рөстәм Әсәдуллин чыгыш ясады
Бәйрәмнәрдә аттракционнар, сәүдә рәтләре эшләде, анда сувенирлар, киемнәр һәм сыйлар сатып алырга мөмкин булды.
Уеннарда да катнашучылар күп була: кайберләре гер күтәрә, капчыклар белән «сугыш» алып бара, башкалар чүлмәкләрне вата, кашыкка йомырка салып йөгерә, сулы чиләкләр белән йөгерә, вертикаль һәм горизонталь баганаларны яулый, аркан тарта.
Авылларда Сабан туе күңелле үтте, һәм хәзер барысы да киләсе елга шундый бәйрәмне түземсезлек белән көтәчәк.