Әлфия Когогина: эшмәкәрләргә административ йөкләнеш киметелергә тиеш
Дәүләт Думасы депутаты, кече һәм урта эшкуарлык комитеты рәисенең беренче урынбасары Әлфия Когогина болай дип аңлатма бирде: «Россия Президенты Владимир Путин полициягә күзәтчелек органнары таләпләрен бозган өчен бизнесны законлы рәвештә җәзалауны тыю бурычын куйды, административ басымны йомшартырга чакырды, әмма шул ук вакытта кулланучылар мәнфәгатьләрен тәэмин итте. Дәүләт Думасында кече һәм урта эшкуарлыкны үстерү мәсьәләләре буенча масштаблы парламент тыңлаулары барышында шулай ук полиция хезмәткәрләре тарафыннан күп санлы тикшерүләр проблемасы күтәрелде. Кабул ителгән инициатива эшкуарларга административ йөкләнешне киметүгә юнәлдерелгән».
Эчке эшләр органнары компетенциясеннән финанс, салым, иминият, кыйммәтле кәгазьләр базары, эшкуарлык эшчәнлеге һәм башка өлкәләрдәге хокук бозулар составы чыгарылачак.
Хәзерге вакытта полиция органнары 663 административ хокук бозу составы буенча эш кузгатырга һәм карарга вәкаләтле. Шуларның 197се мәҗбүри таләпләрне бозу белән бәйле.