2024 ел башыннан Россия Социаль фондының Татарстан бүлекчәсе контакт–үзәге хезмәткәрләре 600 меңнән артык кешегә консультация биргән
Россия Социаль фондының Татарстан бүлекчәсе контакт-үзәгенә 2024 ел башыннан 637 910 мең мөрәҗәгать кергән.
Төбәк халкының 30,5% шалтыратулары балаларга бердәм пособие, ана капиталыннан түләүләр һәм ана һәм бала буенча башка пособиеләр белән бәйле мәсьәләләргә кагылган.
Шалтыратуларның 28,3% ы пенсия белән тәэмин итүгә һәм пенсия тупланмаларына кагылган.
Шалтыратучыларның 18,7% ы социаль иминиятләштерү, шул исәптән эшкә яраксызлык кәгазьләре, тернәкләндерүнең техник чаралары белән тәэмин итү, шифаханә-курорт дәвалануы буенча шәхси консультацияләр алган.
22,5% РСФ, Роструд, Хезмәт министрлыгы, медицина социаль экспертиза эшчәнлегенә кагылышлы башка мәсьәләләр.
Уртача алганда, бер операторга көненә 200дән артык шалтырату туры килә. Шалтыратуларның максималь саны балалы гаиләләргә пособие түләүнең бердәм көнендә – һәр айның 3 нче көнендә теркәлә. Бу көнне бер хезмәткәргә уртача 250 шалтырату туры килә. Ә беренче яртыеллыкта Бердәм пособие мәсьәләләре буенча Россия Социаль фондының Татарстан бүлекчәсе бердәм ярдәмлек үзәге операторлары тарафыннан 167 335 мөрәҗәгать эшкәртелгән.
"Бу гражданнарга социаль өлкә мәсьәләләре буенча консультацияләр бирү өчен эксклюзив сервис. Без эш алгоритмын безнең хезмәтләрне алучыларга уңайлырак булырлык итәргә тырыштык. Бердәм Контакт үзәк өч дәрәҗәле оештыру структурасына ия. Беренче дәрәҗәдә консультацияне автомат тавыш ярдәмчесе алып бара. Икенче дәрәҗәдә 1 линия операторлары гомуми мәсьәләләр буенча консультацияләрне территориаль яктан, ягъни шалтыратучының яшәү урынына бәйсез рәвештә бирәчәкләр. Һәм соңгы дәрәҗәдә 2 линия операторлары персональ характердагы, әмма «кодлы» сүз булганда мәгълүмат бирә", - дип аңлатты Россия Социаль фондының Татарстан Республикасы буенча бүлеге идарәчесе Эдуард Вафин.
Россия Социаль фондының Татарстан Республикасы буенча бүлегенең бердәм контакт-үзәгенә шалтыратырга һәм социаль һәм пенсия белән тәэмин итү мәсьәләләре буенча 8 800 100 0001 телефоны буенча консультация алырга мөмкин (шалтырату бушлай). Шул ук телефон номеры буенча Россия Социаль фондының Татарстан Республикасы буенча бүлегенең барлык клиент хезмәтләренә дә язылырга мөмкин.