Менделеевскига эш сәфәре белән ТР Дәүләт торак инспекциясе башлыгы Александр Тыгин һәм «Безнең ишегалды» республика программасы кураторы Арина Петрова килде.

#Командаменделеевск белән берлектә алар Менделеевск районының 2024 елгы капиталь ремонт объектларын һәм 2020-2024 елларда «Безнең ишегалды» программасы буенча төзелгән ишегалларын карап чыктылар.

Сәфәр йомгаклары буенча җирле үзидарә органнары, ресурслар белән тәэмин итүче идарәче оешмалар җитәкчеләре катнашында киңәшмә узды. Ул «Безнең ишегалды» программасы буенча төзелгән объектларны карап тоту, 2024/2025 елгы җылыту сезонына әзерлек, 2024 елгы объектларга капиталь ремонт ясау мәсьәләләренә кагылды.