Хәрби-Диңгез Флоты көне — Россиянең диңгез данын искә алу көне.
Хәрби-Диңгез Флоты вәкилләрен котларга администрация, ветераннар советы вәкилләре, туганнары һәм якыннары, шулай ук шәһәр халкы җыелды.
Сәламләү сүзе белән Башкарма комитет җитәкчесенең шәһәр хуҗалыгы буенча урынбасары Сергей Метальников һәм Башкарма комитет җитәкчесе урынбасары, район ветераннар Советы Рәисе Габибулла Әхмәдов чыгыш ясадылар.
Бүген үзләренең һөнәри бәйрәмнәрен Россиянең диңгез чикләрен саклаучылар, шулай ук үз гомерләрен корабльләрнең һәм хәрби диңгез флоты частьларының хәрби әзерлеген тәэмин итү белән бәйләүчеләр билгеләп үтә. Болар-хәрбиләрнең гаилә әгъзалары, флот хезмәткәрләре, Бөек Ватан сугышы һәм Кораллы Көчләр ветераннары.
Россия-бөек диңгез державасы. Бу хокукны ватандашлар буыны яулады, аларның батырлыгы һәм фидакарьлеге тарихка илнең һәм аның флотының данын язды.
Митингта катнашучылар һәлак булган диңгезчеләрне бер минут тынлык белән искә алдылар һәм һәйкәлгә чәчәкләр салдылар.
Без хәрби-диңгез көчләре белән горурланабыз һәм Россия файдасына хезмәт иткән һәм хезмәт итүен дәвам иткән барлык кешеләргә рәхмәт белдерәбез!