Әлфия Когогина: югары уку йортларына капиталь ремонт ясау эшен дәвам итәбез
"Яр Чаллы педагогия университеты ректоры Альфинур Галиәкберова белән университетның өченче бинасы аша үттек, анда масштаблы үзгәртеп корулар бара. Минем өчен бу вакыйга алты ел элек башланды. Ул вакытта без Әлфинур Азат кызы белән бергә бинаны педуниверситетка тапшыру буенча федераль министрлык белән эшли башладык. Тиздән биредә яңа уку киңлеге булачагына мин бик шат. Капиталь ремонт һәм югары уку йортларының матди-техник торышын яхшырту буенча эшне дәвам итәчәкбез», – дип шәрехләде Когогина.
Объектта түбәне, керү узелын, идәннәрне капиталь ремонтлау, электр белән тәэмин итү системасын, тәрәзәләрне, ишекләрне алыштыру, янгын куркынычсызлыгы таләпләренә туры китереп бизәү эшләре планлаштырылган. Беренче чират кысаларында дүрт мең квадрат метр бинага капиталь ремонт ясалачак. Бу максатларга федераль бюджеттан 80 млн сумга якын акча бүлеп бирелгән.
Бинада физкультура һәм спорт, сәнгать һәм дизайн, тарих һәм география факультетлары, шулай ук өстәмә һөнәри белем бирү институты урнашачак, анда ел саен Татарстан Республикасының Кама аръягыннан өч меңнән артык педагог квалификация күтәрү курслары уза.