Социаль салымнан тотып калулар бирү тәртибе гадиләштерелде
2024 елның 1 гыйнварыннан унификацияләнгән документлар – хезмәт күрсәтүләр өчен түләү турында белешмәләр кулланыла, алар барлык башка документларны алыштыра һәм 2024 елның 1 гыйнварыннан соң тотылган гражданның факттагы чыгымнарын раслый:
* уку өчен түләүгә;
* медицина хезмәтләре өчен түләүгә;
* физкультура-савыктыру хезмәтләре өчен түләүгә;
* ирекле медицина иминятләштерү, ирекле пенсия иминияте һәм гомерне ирекле иминиятләштерү шартнамәләре буенча иминият кертемнәрен түләүгә;
* дәүләтнеке булмаган пенсия тәэминаты шартнамәләре буенча пенсия кертемнәрен түләүгә.
2025 елның 1 гыйнварыннан әлеге социаль салым тотып калуларны гадиләштерелгән тәртиптә бирү кертелә, ул Россия Федераль салым хезмәте белән мондый алмашуга техник мөмкинлекләре булганда, тиешле хезмәтләрне күрсәтүче оешмалардан һәм шәхси эшмәкәрләрдән турыдан-туры салым түләүчеләрнең телекоммуникация элемтә каналлары аша күрсәткән хезмәтләре өчен факттагы чыгымнары турында мәгълүмат алуны күздә тота.
Мондый мәгълүматлар Россия Федераль салым хезмәте раслаган форма, формат һәм тәртип буенча тапшырыла, аерым алганда, физкультура-сәламәтләндерү хезмәтләре өчен түләү турындагы белешмә формасы Россия Федераль салым хезмәтенең 2023 елның 18 октябрендәге ЕД-7-11/756@ номерлы боерыгы белән расланган.
Гражданнарга белешмәләр бирү йә салым органына белешмәләр җибәрү физик затның хезмәтләр күрсәтүчегә ирекле рәвештә бирелгән гаризасы нигезендә гамәлгә ашырыла.
Салым түләүчегә карата ел дәвамында берничә белешмә тапшырганда чыгымнар суммасы үсә барган йомгак белән күрсәтелә.
Салым органына тапшыру өчен белешмәләрнең яңа формаларын һәм салым түләүченең күрсәтелгән хезмәтләргә электрон рәвештә чыгымнары турында белешмәләрне формалаштыру мөмкинлеге бар
Беренчел белешмәләр белән тәэмин итүчеләрдән - физкультура-савыктыру оешмаларыннан / шәхси эшмәкәрдән турыдан-туры белешмәләр алу гражданнарга социаль салым тотып калуларны актив рәвештә бирергә, физик затлар кеременә салым буенча салым декларациясен салым органына тутыру һәм тапшыру буенча гражданнарның хезмәт чыгымнарын процесстан тулысынча төшереп калдырырга, шулай ук тотып калу вакытын ике тапкырдан артык кыскартырга мөмкинлек бирәчәк.